#የአእምሯዊ_ንብረት (Patent Right) ዙሪያ ለክላስተር ተቋማት ስልጠና ተሰጥቷል።

 #የአእምሯዊ_ንብረት (Patent Right) ዙሪያ ለክላስተር ተቋማት ስልጠና ተሰጥቷል።

****************************************

ህዳር 03/2014: በአእምሯዊ ንብረት ጥበቃ መብት ባለቤትነት መብት ማግኘት የሚችሉበት አሰራር መመሪያ ላይ ከክላስተራችን ለተውጣጡ ዲኖችና አሰልጣኝ መምህራን በኮሌጃችን አስተባባሪነት በአረቅጥ ኮንስትራክሽንና ኢንደስትሪያል ኮሌጅ ስልጠና ተሰጥቷል። በስልጠናው የፈጠራ ስራዎች ከሃሳብ ጀምሮ እስከ ኮሜርሻላይዜሽን እንዴት እንደሚሸጋገሩ ግንዛቤ የተፈጠረ ሲሆን ስለ አእምሯዊ ንብረት ፣ ፓተንት ስርዓት በኢትዮጵያ፣ የፓተንት ማመልከቻ አጻጻፍ፣ የቴክኖሎጂ ሽግግር ሂደት፣ የቴክኖሎጂ ኢኖቪሽን ድጋፍ ማዕከል ጽንሰ ሃሳብ፣ የፓተንት መረጃ አፈላለግ፣ የፓተንት መረጃ ላይ ሰፊ ማብራሪያ ተሰጥቶበታል፡፡

በተጨማሪም ቁሳዊ ያልሆኑ ንብረቶች ለስርቆት ወንጀል በቀላሉ ሊጋለጡ ስለሚችሉ የአእምሯዊ ንብረት ጥበቃ አስፈላጊ ተገልጿል፡፡ በቀረቡ ሰነዶች ላይ ሰፊ ወይይት ከተደረገ እንዲሁም ጥያቄዎች ተነስተው ሰፊ ውይይትና ምላሽ ከተሰጠ በኋላ የስልጠናው ተጠናቋል።